Dir kënnt hei är perséinlech exemplar bestellen
Léif Lieser:innen,
CO₂OL! Dir haalt den éischte Klimamagazine fir Lëtzebuerg am Grapp. Um politeschen Agenda steet, d’Klimaneutralitéit fir spéitstens 2050 z’erreechen! Lët’z do it! Laut de Wëssenschaftler:innen ass et méiglech! A genee dorop baue mir op: op positiv a faktebaséiert
Informatiounen, esou wéi op motivant Projeten – klenger a grousser – aus dem In- an Ausland, déi inspiréieren a Courage maachen.
A Saache Klimaschutz ass och bei dësem Magazine näischt dem Zoufall iwwerlooss ginn. Déi gréisst Rotativdréckerei hei am Land krut den Optrag ze drécken,
an dat, well si eis déi kierzten Transportweeër erméiglecht, awer ënnert der Bedingung, grouss Schrëtt a Richtung «Imprim'Vert» ze maachen.
Aus Klimagrënn ass CO₂OL och sécher keen Héichglanzmagazine. D’Format, d’Gewiicht an d’Säitenzuel stinn optimal am Verhältnis, de Grammage vum
Pabeier ass extreem liicht a selbstverständlech e Maximum zertifiéiert mat engem CO₂-Foussofdrock vu 86 CO₂ g/kg Pabeier. Fir eng Iddi ze hunn: de CO₂-Foussofdrock vun normalem Printpabeier läit bei 609 CO₂ g/kg